Навiны

Выстаўкi

Замкавы комплекс «Мір»

Міністэрства культуры Рэспублікі Беларусь

Установа «Музей «Замкавы комплекс «Мір»

У 2010 годзе завершана 

рэстаўрацыя Мірскага замка

Работы праводзіліся за кошт сродкаў

рэспубліканскага бюджэту

Замкавы комплекс «Мір» – унікальны помнік нацыянальнай культуры Беларусі, які быў уключаны ў 2000 годзе ў Спіс сусветнай культурнай і прыроднай спадчыны ЮНЕСКА.

На тэрыторыі комплексу прадстаўлены Мірскі замак XVI–XX стагоддзяў, царква-пахавальня князёў Святаполк-Мірскіх, домік вартаўніка, руіны палаца апошніх уладальнікаў, флігель, прыдарожная капліца, англійскі пейзажны парк з возерам, рэшткі італьянскага саду, земляныя валы з бастыёнамі.

У музеі налічваецца 39 экспазіцыйных і выставачных залаў. Разам з агляднымі і тэматычнымі экскурсіямі прадугледжаны і тэатралізаваныя, а цырымонія «Вяселле ў Мірскім замку» зробіць шчаслівы дзень у вашым жыцці незабыўным.

Мірскі замак – аб’ект з развітой інфраструктурай: дзве канферэнц-залы для правядзення мерапрыемстваў на высокім узроўні, гатэль на 16 нумароў, рэстаран старадаўняй кухні, сувенірная крама з вырабамі беларускіх майстроў.

Дзверы Мірскага замка заўсёды адчынены для тых, хто шукае яркія ўражанні ад зносін з жывой гісторыяй Беларусі!

Уваход на тэрыторыю комплексу, у тым ліку ва ўнутраны двор і паркі, бясплатны. Уваход у музей платны. Прэйскурант даступны на сайце ў раздзеле «Наведвальнікам».

Азнаёміцца з экспазіцыяй можна з дапамогай аўдыягіда. Мовы: беларуская, руская, англійская, нямецкая, польская, кітайская (паслуга аўдыягіда прадастаўляецца толькі паўналетнім асобам пасля запаўнення згоды на прадастаўленне персанальных дадзеных з указаннем прозвішча, імя, імя па бацьку, нумара тэлефона. Больш падрабязная інфармацыя знаходзіцца ў пункце 4.8 у Правілах наведвання ўстановы «Музей» Замкавы комплекс «Мір»).

Увага! Прытрымліваючыся рэкамендацый Міністэрства аховы здароўя, у мэтах мінімізацыі рызыкі ўзнікнення і распаўсюджвання інфекцыі СOVID-19, наведвальнікам, жадаючым замовіць экскурсію, неабходна быць у масках для твару. Падчас экскурсіі абавязкова знаходзіцца на дыстанцыі не менш 1–1,5 метра адзін ад аднаго і не здымаць медыцынскую маску! Давайце будзем максімальна адказнымі і беражлівымі ў адносінах адзін да аднаго. Дзякуй за разуменне!

Увага! Музей рэкамендуе пры наведванні экспазіцый абарончых вежаў Мірскага замка звярнуць увагу на складанасці, якія могуць узнікнуць пры перамяшчэнні з яруса на ярус з-за вышыні аўтэнтычных прыступак.

Экскурсіі ва ўстанове «Музей «Замкавы комплекс «Мір» маюць права праводзіць толькі штатныя экскурсаводы і навуковыя супрацоўнікі музея.

З мэтай забеспячэння раўнапраўных умоў па браніраванню аглядных экскурсій, у Музеі праз афіцыйны сайт арганізаваны электронны запіс, які адкрываецца за 45 каляндарных дзён да плануемай даты наведвання (напрыклад, на 1 верасня электронны запіс будзе адкрыты 18 ліпеня ў 9.00).

53°27'04.6''N 26 °28'22.4''E

53.451267, 26.472894