Інфармацыя пра комплекс

Замкавы комплекс «Мір» - унікальны помнік нацыянальнай культуры Беларусі. У 2000 годзе Мірскі замак быў уключаны ў Спіс сусветнай культурнай і прыроднай спадчыны ЮНЕСКА. 

У архітэктурным ансамблі Міра прадстаўлены замак-музей XVI-XX стагоддзяў з 39 паўнавартаснымі экспазіцыямі, земляныя валы, маляўнічыя паркі і сажалка, капліца-пахавальня князёў Святаполк-Мірскіх. 

Комплекс «Мір» - гэта аб'ект з добра развітой інфраструктурай: два канферэнц-залы для правядзення мерапрыемстваў на высокім узроўні, гатэль на 15 нумароў, рэстаран з стравамі старадаўняй кухні, сувенірная крама з вырабамі беларускіх майстроў. 

Разам з традыцыйнымі экскурсіямі, музей прадастаўляе і тэатралізаваныя, а цырымонія «Вяселле ў Мірскім замку» зробіць шчаслівы дзень у вашым жыцці незабыўным. 

На канцэртных пляцоўках Міра традыцыйна праводзяцца музычныя і рыцарскія фэсты, а таксама фестывалі мастацтваў і рамеснай творчасці. 

У гэтым годзе комплекс наведала больш за 200 тысяч турыстаў. 

Запрашаем вас на экскурсію ў Мір! Дзверы Мірскага замка заўсёды адчынены для тых, хто шукае яркіх уражанняў ад зносін з жывой гісторыяй Беларусі! 

Рэжым работы музея: з 10.00 да 18.00, каса музея працуе з 10.00 да 17.20 

ПРАВА БЯСПЛАТНАГА НАВЕДВАННЯ МУЗЕЯ ДЛЯ ЎСІХ КАТЭГОРЫЙ ГРАМАДЗЯН  - 28 лютага (серада), 21 сакавіка (серада)

Санітарны час з 9:00 да 11:00 - 22 лютага, 22 сакавіка

 з 08 студзеня па 23 сакавіка 2018г. выхадны дзень - аўторак