Віртуальныя экскурсіі па выставах

«Зброя гонару і адвагі»

У 1-ым адсеку Паўночнага корпуса Мірскага замка праходзіць выстава «Зброя гонару і адвагі», у аснове якой узоры халоднай параднай зброі з прыватнай калекцыі Анатоля Георгіевіча Грышука і прадметы з фондаў Музея «Замкавы комплекс «Мір».

Выстава працягнецца да 15 студзеня 2021 года.

Уваход на выставу: дарослыя– 4 руб., школьнікі і студэнты–2 руб. Экскурсія па выставе –10 руб. (група не больш за 20 чалавек).

«На адным полі ваяры»

З 23 красавіка па 31 ліпеня 2020 года ў музеі «Замкавы комплекс «Мір» у мансарднай частцы Паўночнага корпуса палаца прадстаўлена выстава «На адным полі ваяры», якая аб’ядноўвае творчасць мастака Ігара Гардзіёнка і скульптара Сяргея Аганава. Работы гэтых творчых людзей звязаны агульнай тэматыкай – гісторыяй Вялікага Княства Літоўскага.

«На адным полі ваяры» – гэта арт-праект, які бесперапынна развіваецца на працягу некалькіх гадоў і змяняе свій змест у залежнасці ад месца прадстаўлення.

Куратар выставачнага праекта – Наталля Станкевіч.

“Аб’ядноўваючы прастору і час: беларускія землі на картах XVI–XVIII стст.”

29 сакавіка ў музеі завершыцца міжнародная выстава гістарычных карт “Аб’ядноўваючы прастору і час: беларускія землі на картах XVI–XVIII стст.”. На ёй можна было пабачыць гістарычныя карты адзначанага перыяду і іх копіі, а таксама прадметы, звязаныя з падарожжам. Калі вам не давялося трапіць на выставу, то з прыемнасцю запрашаем прагледзець віртуальную экскурсію па ёй.