Навукова-практычная канферэнцыя (2022)
2022-10-28
28 кастрычніка 2022 г. у музеі «Замкавы комплекс «Мір» прайшла навукова-практычная канферэнцыя «Музей у прасторы гістарычнага аб’екта». Яна была прымеркаваная да 30-годдзя адкрыцця першых музейных экспазіцый Мірскага замка ў Паўднёва-заходняй вежы.
У рабоце канферэнцыі прынялі ўдзел кандыдат культуралогіі, дацэнт Т.А. Джумантаева, кандыдат гістарычных навук, дацэнт В.М. Папко, кандыдат гістарычных навук, дацэнт, вядучы навуковы супрацоўнік Інстытута гісторыі НАН Беларусі А.А. Скеп’ян, кандыдат мастацтвазнаўства І.М. Скварцова, кандыдат біялагічных навук, старшы навуковы супрацоўнік Цэнтра даследаванняў беларускай культуры, мовы і літаратуры А.Г. Міцкевіч, вядучы навуковы супрацоўнік Нацыянальнага мастацкага музея Рэспублікі Беларусь Н.М. Усава, вядучы навуковы супрацоўнік Нацыянальнага гістарычнага музея Рэспублікі Беларусь Т.У. Мірановіч, малодшы навуковы супрацоўнік Навукова-практычнага цэнтра Дзяржаўнага камітэта судовых экспертыз Рэспублікі Беларусь, магістр мастацтвазнаўства Н.В. Шаркова, навуковы супрацоўнік Цэнтра даследавання беларускай культуры, мовы і літаратуры НАН Беларусі, магістр культуралогіі К.С. Шаўрук, старшы навуковы супрацоўнік філіяла «Чырвоны Бераг» ДУК «Жлобінскі гісторыка-краязнаўчы музей» М.Д. Ткачова, а таксама супрацоўнікі музея «Замкавы комплекс «Мір» Т.І. Кажух, Д.В. Андрэеў, Ю.С. Бязносік, Н.А. Кавалевіч, В.У. Каласоўская, В.І. Красоўская.
Тэматыка дакладаў закранала праблемы захавання і выкарыстання помнікаў гісторыі і архітэктуры ў кантэксце музеязнаўства, стан і перспектывы музеефікацыі гістарычных аб’ектаў на сучасным этапе, праблемы аднаўлення інтэр’ераў у аб’ектах спадчыны і размяшчэння ў іх музейных экспазіцый, узаемадзеянне музеяў з мясцовымі супольнасцямі, вопыт айчынных і замежных музеяў па арганізацыі навукова-даследчай, фондавай, экспазіцыйнай і асветніцкай дзейнасці, праблемы захавання і рэканструкцыі культурнага ландшафту замкаў, палацаў і сядзіб.
Таксама ва ўдзельнікаў канферэнцыі ў гэты дзень была магчымасць азнаёміцца з часовай экспазіцыяй «Адраджэнне Мірскага замка», праца якой працягнецца да 4 лістапада 2022 г.
