14 сакавіка 2025 года ў 14:00 у Слановай зале Мірскага замка адбылося ўрачыстае адкрыццё ўнікальнай выставы «Крылы вечнасці». Гэта падзея стала вынікам сумеснага праекта музея «Замкавы комплекс «Мір» і Музея гісторыі і культуры яўрэяў Беларусі пры Саюзе беларускіх яўрэйскіх грамадскіх аб’яднанняў і абшчын.

14 сакавіка 2025 года ў рамках святкавання Тыдня праваслаўнай кнігі ў Малельнай зале царквы-пахавальні князёў Святаполк-Мірскіх музея «Замкавы комплекс «Мір» адбылося адкрыццё часовай экспазіцыі «Жывое слова мудрасці духоўнай», арганізаванай сумесна з Карэліцкім благачыннем Навагрудскай епархіі Беларускай Праваслаўнай Царквы.

8 сакавіка 2025 года з 10:30 да 13:00 Партрэтная зала Мірскага замка напоўнілася чараўніцтвам музыкі і атмасферай вясны. У гэты дзень наведвальнікі змаглі атрымаць асалоду ад дзіўнай канцэртнай праграмы «Музыка вясны», выкананай таленавітым піяністам Аляксандрам Музыкантавым.

Па выніках рашэння нарады аб пытаннях гнуткага графіка работы музейных устаноў, якое 14 студзеня 2025 года адбылося ў Міністэрстве культуры Рэспублікі Беларусь, 26 лютага 2025 года ў вялікай канферэнц-зале Мірскага замка адбыўся круглы стол на тэму «Музей і тураператар: практыкі ўзаемадзеяння». Гэта падзея сабрала прадстаўнікоў Міністэрства спорту і турызму Рэспублікі Беларусь, а таксама вядучых тураператараў краіны, якія працуюць у сферы ўязнога турызму.

21 лютага ў музеі «Замкавы комплекс «Мір» адбылася культурная акцыя «Гаварым па-беларуску», прымеркаваная да Міжнароднага дня роднай мовы, які адзначаецца ў краінах свету ў гэты дзень.