У замкавым комплексе «Мір» прайшла культурная акцыя «памятаць, каб не паўтарылася...»
2025-01-27
27 студзеня 2025 года ў музеі «Замкавы комплекс «Мір» адбылася культурная акцыя «Памятаць, каб не паўтарылася...», прымеркаваная да Міжнароднага дня памяці ахвяр Халакосту.
У гэты дзень для наведвальнікаў, якія набылі ўваходныя квіткі, была прапанавана бясплатная экскурсія па экспазіцыйных залах «Войны ХХ стагоддзя» і» «Гета ў Мірскім замку 1942 г.». Экскурсанты змаглі ўбачыць экспанаты і фатаграфіі, якія распавядаюць пра трагічныя падзеі таго часу. Акцыя сабрала мноства людзей, якія жадаюць ушанаваць памяць ахвяр Халакосту і паглыбіць свае веды аб важнай старонцы гісторыі.
