У Мірскім замку прайшоў Дзіцячы Калядны баль «Зімовая казка»

2025-01-05

5 студзеня 2025 года ў партрэтнай зале Мірскага замка панавала сапраўды чароўная атмасфера! Каляды і Новы год зноў падарылі нам магчымасць акунуцца ў казку, і на гэты раз падзея аб’яднала юных дам і кавалераў ва ўзросце ад 6 да 12 гадоў на дзіцячым калядным Балі «Зімовая казка».

Маленькіх удзельнікаў сустрэчы гасцінна вітаў вясёлы цырымоніймайстар, які навучыў іх прыгожым танцам і займальным бальным гульням. Свята стала яшчэ больш незабыўным дзякуючы з’яўленню самой Каралевы замка, якая ўнесла асаблівае зачараванне ў гэты чароўны дзень.

Вядома ж, не абышлося і без злога чараўніка, які зладзіў рабятам няпростыя выпрабаванні. Але, сабраўшыся разам, адважныя героі балю паспяхова знялі чары і змаглі перамагчы яго злыя загаворы, давёўшы, што сяброўства і смеласць могуць пераадолець любыя перашкоды.

У завяршэнні балю, кожны высакародны госць і адважны ўдзельнік атрымаў падарунак, які стаў прыемным завяршэннем гэтага цудоўнага свята.

Дзіцячы Калядны баль «Зімовая казка» зноў стаў яркай падзеяй для ўсіх, хто верыць у цуды! Вялікі дзякуй усім, хто наведаў нас, і да новых сустрэч у Мірскім замку, дзе магія заўсёды на крок наперадзе!