Удзел у VI Міжнароднай навуковай канферэнцыі «Сімяон Полацкі: светапогляд, грамадска-палітычная і літаратурная дзейнасць»

2024-11-28

Старшы навуковы супрацоўнік Кожух Таццяна прыняла ўдзел у VI Міжнароднай навуковай канферэнцыі «Сімяон Полацкі: светапогляд, грамадска-палітычная і літаратурная дзейнасць», якая была прысвечана 395-годдзю з дня нараджэння асветніка і 30-годдзю Музея-бібліятэкі Сімяона Полацкага.

20–21 лістапада у Музеі беларускага кнігадрукавання ў г. Полацку больш за дваццаць даследчыкаў прадставілі вынікі даследаванняў па гісторыі, археалогіі, мовазнаўству, літаратуразнаўству, культуралогіі, кнігазнаўству і педагогіке. Канферэнцыя прайшла ў атмасферы зацікаўленасці ў прадстаўленых даследаваннях, навуковых дыскусій і абмеркаванняў.

Для ўдзельнікаў была падрыхтавана багатая культурная праграма: канцэрт арганнай музыкі і экскурсія ў Сафійскім саборы, наведванне Спаса-Еўфрасіннеўскага манастыра, Мастацкай галерэі, экскурсія ў Музеі беларускага кнігадрукавання і Музеі-бібліятэцы Сімяона Полацкага.