Удзел у Форуме эканамічнага супрацоўніцтва рэгіёнаў пабрацімаў правінцыі Ганьсу і 30-м Кітайскім міжнародным гандлёва-інвестыцыйным кірмашы г. Ланчжоў

2024-07-06

Дырэктар музея «Замкавы комплекс «Мір» Аляксандр Лойка з 4 па 9 ліпеня 2024 г. прымае ўдзел у Форуме эканамічнага супрацоўніцтва рэгіёнаў пабрацімаў правінцыі Ганьсу і 30-м Кітайскім міжнародным гандлёва-інвестыцыйным кірмашы г. Ланчжоў (Кітайская Народная Рэспубліка).
Мірскі замак і музей правінцыі Ганьсу ў Ланчжоў маюць шмат агульных поглядаў. Абодва аб’екты размешчаны на тэрыторыі населеных пунктаў, якія на працягу стагоддзяў былі вядомыя як гандлёвыя цэнтры. Акрамя гэтага, кніжны збор князёў Радзівілаў, афармленне інтэр’ераў у радзівілаўскіх замках у стылістыцы шынуазры, а таксама выкарыстанне кітайскіх тэхналагічных прыёмаў на Слуцкай мануфактуры шаўковых паясоў, а таксама фаянсавай, мэблевай мануфактурах, вырабы якіх вядомыя цяпер як брэнды ўсходнееўрапейскай культуры XVIII ст., сведчаць аб сінтэзе культур Усходу і Захаду.
Музей правінцыі Ганьсу ўзначаліў стварэнне «Прафесійнага камітэта музеяў Шаўковага шляху» пры Кітайскай асацыяцыі музеяў.

6 ліпеня 2024 года быў падпісаны Мемарандум аб узаемаразуменні і супрацоўніцтве паміж установай «Музей «Замкавы комплекс «Мір» і Музеем правінцыі Ганьсу, што можа паслужыць асновай для плённага ўзаемадзеяння ў галіне музейнай справы дзвюх краін.