Навучэнцы 3-га класа г. Нясвіжа пабывалі на «Уроку ў музеі»

2024-09-25

Сёння, 25 верасня 2024 года, на «Уроку ў музеі» пабывалі навучэнцы 3-га класа адной са школ г. Нясвіжа.

На занятку дзеці вывучылі канструкцыю абарончых збудаванняў XVI-XVII стагоддзяў. Яны падрабязна разгледзелі макеты Мірскага, Лідскага і Гродзенскага замкаў, а таксама ўмацаваных храмаў. Дзеці даведаліся, што такое замак, для чаго іх будавалі, з якіх частак складаліся абарончыя збудаванні і якія матэрыялы выкарыстоўваліся пры будаўніцтве.

Пасля экскурсійнай часткі юныя мастакі ўзялі ў рукі алоўкі і ўзяліся за творчую працу. Ім было прапанавана пабыць трохі ў ролі архітэктараў і намаляваць уласны замак. Вынікам сталі яркія, дэталізаваныя малюнкі, на якіх дзеці пастараліся перадаць асаблівасці іх замка.

Такія музейныя ўрокі не толькі пашыраюць кругагляд дзяцей, але і развіваюць іх творчыя здольнасці, прышчапляюць цікавасць да культурнай спадчыны роднай краіны.