Святочны канцэрт Гарадскога канцэртнага аркестра пад кіраваннем магістра музыкі Васіля Прадуна

2024-07-02

2 ліпеня ў Мірскім замку адбыўся святочны канцэрт, прысвечаны Дню Незалежнасці Рэспублікі Беларусь і 80-годдзю вызвалення Беларусі. У выкананні Гарадскога канцэртнага аркестра пад кіраваннем магістра музыкі Васіля Прадуна прагучалі класічныя творы, якія адправілі слухачоў у дзіўнае падарожжа ў свет музычнага мастацтва.

Музыканты аркестра прадэманстравалі высокі прафесіяналізм і любоў да сваёй справы, падарыўшы слухачам незабыўныя ўражанні.

Васіль Сцяпанавіч Прадун – заснавальнік аркестра, асоба выдатная, закаханая ў духавую музыку. У складзе аркестра больш за 50 высокапрафесійных таленавітых музыкантаў, аб’яднаных любоўю да музыкі і смагай самаўдасканалення.

Канцэрт стаў сапраўдным падарункам для ўсіх аматараў музыкі. Яркія і незабыўныя мелодыі закранулі душы слухачоў і падарылі ім зарад станоўчых эмоцый.