Прэзентацыя выставы «Мастак – Кніга – Тэкст»

2025-01-28

28 студзеня ў замкавым комплексе «Мір» адбылася прэзентацыя часовай выставы «Мастак – Кніга – Тэкст». У экспазіцыі прадстаўлены копіі графічных работ сучасных мастакоў-графікаў, удзельнікаў Біенале 2015 года ў Казані, сярод якіх прадстаўнікі Арменіі, Татарстана, Індыі і іншых краін. Асаблівую ўвагу прыцягвае ўдзел ураджэнкі Рэспублікі Беларусь, мастачкі Святланы Валасюк, чые гравюры таксама можна ўбачыць на выставе.

Работы былі прадастаўлены Дзяржаўным гісторыка-архітэктурным і мастацкім музеем-запаведнікам «Востраў-град Свiяжск» Рэспублікі Татарстан.

На адкрыцці мерапрыемства прысутнічаў Віталь Сяргеевіч Кавалёў, выконваючы абавязкі загадчыка аддзела экспазіцыйна-выставачнай работы музея, які распавёў аб выставачным праекце і даў кароткую інфармацыю аб самім востраве-град Свiяжск.

Выстава запрашае наведвальнікаў пазнаёміцца з сучасным графічным мастацтвам і культурнымі сувязямі паміж краінамі.

Часовая экспазіцыя працягне сваю працу да 23 лютага 2025 года.

Уваход па квітках у музей.