Абмен вопытам у рамках праекта «Музей – Музею: пашыраючы межы»

2024-12-10

Дэлегацыя супрацоўнікаў музея «Замкавы комплекс «Мір »на чале з дырэктарам Аляксандрам Лойкам у рамках праекта па супрацоўніцтве і абмене вопытам паміж музеямі рэспубліканскага падпарадкавання і рэгіянальнымі ўстановамі культуры наведала 5–6 снежня 2024 г. Дзяржаўную гісторыка-культурную ўстанову «Музей-сядзіба М.К. Агінскага» і Дзяржаўную ўстанову «Уздзенскі раённы гісторыка-краязнаўчы музей».

У ходзе сустрэч калегамі была падрыхтавана праграма наведвання фондаў, часовых і пастаянных экспазіцый. Удалося азнаёміцца і абмяняцца вопытам у напрамку навукова-асветніцкай дзейнасці музеяў.

Насычаная праграма візіту дазволіла знайсці агульныя інтарэсы, агульныя падыходы і вызначыць асноўныя напрамкі сумеснай дзейнасці на 2025 г. у рамках маштабнага праекта, ініцыяванага Замкавым комплексам «Мір»: «Музей – Музею: пашыраючы межы».