Шматдзетныя сем’і ў цэнтры ўвагі: асаблівы тыдзень у замкавым комплексе «Мір»

2024-10-21

14 кастрычніка ў нашай краіне адсвяткавалі Дзень маці, а 21 кастрычніка – Дзень бацькі. Гэты тыдзень называўся бацькоўскi. Для кожнага з нас мама і тата – гэта самыя дарагія і блізкія людзі, без якіх само жыццё ўявіць немагчыма.

Музей «Замкавы комплекс «Мір» не застаўся абыякавым і падрыхтаваў для шматдзетных сем’яў прыемны сюрпрыз. У перыяд з 14 па 21 кастрычніка яны змаглі наведаць музейныя экспазіцыі бясплатна пры прад’яўленні дакумента, які пацвярджае права на льготу.

Гэта была выдатная магчымасць для бацькоў правесці час са сваімі дзецьмі, пазнаёміцца з гісторыяй і культурай нашай краіны. Наведвальнікі змаглі ўбачыць унікальныя экспанаты і атрымаць асалоду ад прыгажосці Мірскага замка.

Такая акцыя стала выдатным падарункам для шматдзетных сем’яў у гэты асаблівы бацькоўскі тыдзень.