Генеральны сакратар Шанхайскай арганізацыі супрацоўніцтва Чжан Мін наведаў Мірскі замак

2024-07-13

Генеральны сакратар Шанхайскай арганізацыі супрацоўніцтва Чжан Мін наведаў Мірскі замак, які для жыхароў Кітайскай Народнай Рэспублікі з’яўляецца ўвасабленнем Беларусі. Тут высокага госця віталі дырэктар музея «Замкавы комплекс «Мір» Аляксандр Лойка і старшыня Карэліцкага раённага выканаўчага камітэта Андрэй Гардзей.

Чжан Мін пакінуў запіс у Кнізе ганаровых гасцей музея. Ён напісаў: «Мірскі замак – гэта адлюстраванне гісторыі Еўропы. Няхай у Беларусі заўсёды квітнее культура, а вашыя людзі жывуць шчасліва».

Пасля агляднай экскурсіі па замку генеральны сакратар Шанхайскай арганізацыі супрацоўніцтва выказаў захапленне тым, наколькі беларусы трапятліва ставяцца да сваёй культуры і не толькі захоўваюць яе, але і прымнажаюць.