Андрэй Гардзей на сустрэчы з калектывам замкавага комплексу «Мір»: «Уступленне ў БРІКС важна для Беларусі»
2024-11-14
— Спроба недружалюбных краін Захаду падарваць эканоміку нашай краіны пацярпела няўдачу. Беларусь вельмі добра гандлюе з краінамі Глабальнага Поўдня і Глабальнага Усходу, і дзякуючы паглыбленню супрацоўніцтва з БРІКС можа істотна пашырыць рынкі збыту сваёй прадукцыі, — сказаў на сустрэчы з калектывам замкавага комплексу «Мір» старшыня Карэліцкага райвыканкама Андрэй Гардзей. — А нам ёсць што прапанаваць: якасныя беларускія прадукты, мінеральныя ўгнаенні, сельскагаспадарчыя і адукацыйныя тэхналогіі. Такім чынам, уступленне ў БРІКС адпавядае нацыянальным інтарэсам Беларусі.
Паводле слоў кіраўніка раёна, як бы ні прэсінгавалі краіну санкцыямі, Беларусь па-ранейшаму застаецца сацыяльна арыентаванай дзяржавай, галоўнай каштоўнасцю якой з’яўляецца чалавек. У нас створана сістэма сацыяльных гарантый, якая ахоплівае ўсе этапы жыцця — ад маленства да старасці. І ні адзін з гэтых фокусаў увагі да цяперашняга часу не быў аслаблены. Нягледзячы на ўдары па эканоміцы звонку, раслі дапамогі сем’ям, якія выхоўваюць дзяцей.
— Мы жывем ва ўмовах даступнай медыцыны, бясплатнай адукацыі, будаўніцтва жылля з дзяржпадтрымкай, высокага адсотка працоўнай занятасці насельніцтва, росту заробкаў і мірнага неба. Гэтага дастаткова, каб ужо сёння сказаць, што нам пашанцавала быць грамадзянамі краіны пад імем Беларусь, — рэзюмаваў Андрэй Гардзей.
Па матэрыялах газеты «Полымя»