Гастрафэст
2021-04-15
З 15 красавіка па 2 мая 2021 г. рэстаран «Княжацкі двор», размешчаны ў Мірскім замку, далучаецца да І Рэспубліканскага гастрафэста.
Гастрафэст – гэта серыя гастранамічных фестываляў, якая прыйдзецца па душы ўсім знатакам смачнай ежы і якасных напояў. Топавыя ў сваім сегменце ўстановы прапануюць свае лепшыя сэты па фіксаванай цане ў пэўны адрэзак часу.
Рэстаран «Княжацкі двор» у гэты перыяд прапануе сэт коштам 24 рубля, у які ўваходзіць:
- цёплы салат з курынай печані;
- падкалодка з беконам, хатнімі каўбаскамі і бульбянымі блінамі;
- старабеларускія мясныя закускі;
- кулага з «дзьмухаўцамі».
Вага сэта: 1200 г.
Госцю, які набыў сэт у рэстаране «Княжацкі двор», прадастаўляецца купон з магчымасцю атрымання зніжкі ў памеры 20% на наведванне экспазіцыі музея «Замкавы комплекс «Мір».
